Fasto Elijah Ya Aike Da Muhimmin Gargadi Ga Peter Obi Kan Shari'ar Zabem Shugaban Kasa
- Fasto David Elijah na cocin Glorious Mount of Possibility Church ya gargaɗi Peter Obi da ya yi taka tsan-tsan
- Mutane da dama a soshiyal midiya sun goyi bayan Peter Obi ya zama shugban ƙasa, amma hakan bai samar da ƙuri'un da ya ke so ba domin lashe zaɓen
- Yanzu, a cewar fasto Elijah, wasu mutane na shirin yaudarar Obi yayin da ya ke ƙoƙarin ƙwato nasararsa da ya ce an sace a kotu
Jihar Legas - A yayin da ƴan Najeriya ke zaman jiran hukuncin kotun sauraren ƙararrakin zaɓen shugaban ƙasa, David Elijah, shugaban cocin Glorious Mount of Possibility Church, ya gargaɗi Peter Obi.
Fasto David ya gargaɗi ɗan takarar shugaban ƙasar na jam'iyyar Labour Party (LP) da ya yi taka tsan-tsan da wasu na kusa da shi da masu goyon bayansa.
Kara karanta wannan
Bidiyon Halin da Hamɓararren Shugaban Ƙasar Gabon Ke Ciki Ya Bayyana, Ya Aike da Saƙo Mai Muhimmanci
A yayin da yake magana a gidan talbijin na Possibility TV, Fasto Elijah ya bayyana cewa wasu daga cikin masu ƙaryar suna goyon bayan Peter Obi, ba za su iya cigaba da riƙe ɗan fatan da ya rage musu ba.
"Ka yi taka tsan-tsan", Elijah ya gayawa Obi
Idan za a iya tunawa dai Peter Obi, ɗan takarar jam'iyyar LP wanda ya zo na uku a zaɓen shugaban ƙasa, ya yi fatali da sakamakon zaɓen wanda ya bayyana Bola Ahmed a matsayin shugaban ƙasa.
DUBA: Shigo shafin Legit.ng na manhajar Legit.ng na Telegram! Kada ka bari komai ya wuce ka
Rashin gamsuwa da sakamakon zaɓen ya sanya ɗan takarar garzaya wa kotu domin ƙalubalantar nasarar Shugaba Tinubu.
A yayin da ake zaman jiran hukuncin da kotun za ta yanke, magoya bayan Peter Obi na ganin cewa ɗan takararsu ka iya yin nasara.
Kara karanta wannan
Atiku, Obi vs Tinubu: Fitaccen Malamin Addini Ya Bayyana Yadda Shari'ar Za Ta Kare
Fasto Elijah ya bayyana cewa:
"Ka yi taka tsan-tsan ka da ka faɗa hannun mutanen da za su yaudare ka.""Akwai mutanen da za su yaudare ka, waɗanda za su ce maka za ka yi nasara, nasara ta ka ce da sauransu.""Amma ana samun saɓanin hakan, ba su da abin da za su iya yi maka. Ƙarfinsu zai ƙara, za su juya maka baya. Sai ka yi taka tsan-tsan sosai."Wike Ya Sake Takalar PDP Fada
A wani labarin kuma, ministan babban birnin tarayya Abuja, Nyesom Ezenwo Wike, ya sake tsokanar jam'iyyar PDP faɗa.
Tsohon gwamnan na jihar Rivers, ya ƙalubalanci shugabannin jam'iyyar da idn sun isa su dakatar da shi ko ɗauki matakin ladabtarwa a kansa.
Asali: Legit.ng
ncG1vNJzZmigkarAonrLnp6irF6jtHC%2FyLKYrJlfZoJ2fZZwbWaekajBsHnEpaCjmZhixqJ5wKKinmWUlnquwceipKahnmK0or7GmpuiZZeWerGx056pZqeSnnqsrc1mqqGZop6us3nZmpmepV2otbazwJuYp2WblsCiew%3D%3D